يوميات كابتن أوبر مصر

 والله الأول مكنش بيحصل ربع اللى بيحصل دلوقتي 

⚠️ تعديل مهم: أنا مش جاية أشتكي.. أنا

نفسي يوصله البوست ده ويعرف إني بدعي عليه وهفضل أدعي عليه ليوم الدين! ويارب يلاقي من دعواتي نصيب. 🤲❌

أنا بنت بستخدم أوبر تقريبًا من ٢٠١٦ ولحد دلوقتي مش بستخدم غيره، ما عدا في بعض الأماكن اللي مش بلاقي فيها وبضطر أفتح إندرايف أو ديدي. 🚗

النهارده طلبت رحلة من بيتي لمكان شغلي.. وأنا عمري ما همني السعر، ولا شكل العربية، ولا حتى التكييف! 🤷‍♀️ أنا كل اللي بيهمني هو "الأمان" والكابتن اللي بركب معاه، خصوصًا إني أحيانًا بضطر أركب بالليل متأخر، وعمري ما شفت شر من أي كابتن قبل كده. 🙏

لكن موقف النهارده خلاني في صدمة! 🛑 أنا ممكن أشهّر بيه وممكن أعمل محضر في القسم وهيعرفوا يثبتوا كلامي، لأن رغم إن معنديش إثبات مادي للتحرش، بس اللي حصل ميتسكتش عليه! ⚖️

الشخص ده كان فاتح موقع مشبوه (زي شات كده) وفي أصوات مش تمام طلعت منه، وكان موجه الموبايل ناحيتي بقصد عشان أشوف هو بيتفرج على إيه! 📱🔞 ولما قولتله "من فضلك نزلني"، قال كلمة ما تصحش، ونزلت فعلاً بالإجبار على طريق المحمودية! 😰🛣️

طبعًا أنا عملت شكوى رسمية فيه في أوبر، بس أنا متأكدة إنه موجود هنا في الجروب.. وعايزة أقوله كلمتين: 👇

"أنت لما تشغل حاجات زي كده أو تحاول تتحرش عشان تشوف هستجيب معاك ولا لأ.. هل أنت بهيئتي وبشنطة شغلي شايفني نازلة أتشقط؟! 🎒😡 طب بلاش دي.. معندكش بنات في بيتك تتقي الله فيهم؟!" 🛑

بس هقولك حاجة.. روح ربنا يسلط عليك اللي أقوى منك ويخليك تعاني وتعيش نفس الحالة النفسية الزفت اللي عيشتني فيها النهارده.. وللأسف معنديش دليل عليك غير رب العالمين. 🕸️💔

☝️ وحسبي الله ونعم الوكيل فيك وفي كل واحد زيك. 🔥